- Во тенџере на оган ставаме 3 филџани вода и 15 лажици шеќер и промешуваме за шеќерот побрзо да се растопи.
- Во друго тенџере на оган ставаме 5 лажици вода, 5 лажици шеќер и 125 гр. маргарин. Мешаме во двете тенџериња за побрзо да се растопат состојките.
- Во второто тенџере додаваме 100 гр. кокосово брашно и промешуваме.
- Во првото тенџере додаваме 3 лажици какао и мешајќи додаваме 35 лажици мелени бисквити. Мешаме додека смесата не се изедначи, па двете тенџериња ги тргаме од оган.
- Со раце земаме од црната смеса и формираме поголеми топки. Потоа на алуминиумска фолија намрснета со масло за јадење наросуваме шеќер. Целата црна смеса ја плескаме на фолијата. Врз неа ја редиме белата смеса и заедно ги виткаме во ролат. Ролатот го завиткуваме во алуминиумската фолија и го ставаме во замрзнувач да се стегне.
- Откако саламата ќе се стегне ја отстрануваме фолијата и со остар нож сечеме парчиња со дебелина од 1 сантиметар. Парчињата салама од кокос скалесто ги редиме на чинија за послужување.
Добар апетит.
