- Во тенџере на оган ставаме 200 мл од течноста од компотот. Круговите ананас ги сечкаме на ситни коцки и ги додаваме во тенџере. Во садот со преостанатата течност од компотот го додаваме густинот и мешаме со жица. Размешаниот густин го додаваме во зовриената содржина во тенџерето на оган и непрекинато мешаме со жицата. И мармаладот го додаваме во тенџерето. Откако кремот ќе ја добие потребната густина го нанесуваме во огноотпорен сад намрсен со масло. Оставаме кремот да се излади.
- Во сад за матење со миксер ги матиме путерот и шеќерот во прав додека путерот не стане пенест. Едно по едно ги додаваме јајцата и постојано матиме со миксерот. Ги додаваме брашното и прашокот за печиво. На ситната страна од рендето во садот рендаме кора од портокал и матиме со миксерот додека смесата не се соедини.
- Ја нанесуваме врз стегнатиот крем во огноотпорниот сад. Го ставаме садот во рерна. Печеме 20 минути на 200 степени и го вадиме од рерна.
- Изладениот колач го превртуваме на чинија за сервирање. Декорираме со кругови ананас, кандирани цреши и зелени шеќерни листови.
Со овој десерт ви предлагаме да се напиете квалитетно суво бело вино.
Добар апетит.
