Paketcinja-so-pecurki-i-sirenje

Пакетчиња Со Печурки И Сирење

Фантастични!

Потребно е:

– 250 г кори за пита
– 300 г свежи шампињони
– 200 г крем сирење
– 50 г бадеми
– 1 јајце
– 3 млади кромитчиња
– магдонос
– 2 кафени лажици црвен пипер
– масло за јадење
– Хималајска сол и црн пипер

Подготовка:

  1. На младите кромитчиња им ги отсекуваме перцата. Белиот дел од кромитчињата ситно го сечкаме и кратко го запржуваме на загреано масло во тава на оган. Шампињоните ги сечкаме на листови и ги додаваме во тавата. Посолуваме и наросуваме мелен црн пипер. Бадемите ситно ги сечкаме и ги додаваме во тавата со запржените шампињони. Откако течноста ќе испари ја тргаме тавата од оган.
  2. Подизладената содржина од тавата ја ставаме во длабок сад. Магдоносот ситно го сечкаме и го додаваме во садот. Ги додаваме црвениот пипер и крем сирењето, и го промешуваме филот.
  3. Со готварска четка со масло ја премачкуваме првата кора за пита. Ја сечеме на 4 квадрати. На секој квадрат ставаме по една лажица од подготвениот фил. Јајцето го кршиме и ја делиме белката од жолчката. Ја посолуваме белката и ја матиме со виљушка.
  4. Со готварска четка со изматена белка ги премачкуваме краевите на филуваните квадрати од кората. Ги фаќаме сите четири краја на првиот квадрат и ги свиткуваме во круг, прекривајќи го филот. И краевите на формираното пакетче ги премачкуваме со изматена белка, за да се залепат. Го ставаме пакетчето во тава за печење обложена со хартија. На истиот начин ги подготвуваме сите пакетчиња и ги редиме во тавата. Ја ставаме тавата во рерна. Печеме 20 минути на 200 степени и ја вадиме од рерна.
  5. На чинија за сервирање ставаме неколку Пакетчиња со печурки и сирење. Декорираме со гранчиња француски магдонос.

 

Со ова предјадење ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: