- Во вок тава на оган го ставаме путерот да се растопи и додаваме масло. Чешнињата лук ги сечкаме на парчиња и кратко ги запржуваме на загреаната мрснотија.
- Младиот кромид го сечкаме на кругови и го додаваме во тавата. Во тавата со запржениот кромид ги додаваме морските плодови. Откако и тие ќе се запржат го налеваме виното. Инчуните ги сечкаме на парчиња, а магдоносот ситно го сечкаме, и ги додаваме во тавата. Го додаваме доматното пире, посолуваме и наросуваме мелен црн пипер. Го додаваме мешаниот зачин К+ и динстаме 10-тина минути.
- Во тенџере со зовриена вода на оган ги вариме таљателите и ги цедиме во цедалка. Ги додаваме во тавата и откако ќе го впијат вкусот на сосот ја тргаме тавата од оган.
- На чинија за сервирање ставаме од Таљателите со морски плодови и декорираме со гранчиња француски магдонос.
Со ова предјадење ви предлагаме да се напиете квалитетно суво бело вино. Се служи на температура од 10-12 степени.
Добар апетит.
