- Во тенџере со зовирена вода на оган го ставаме пилето и го додаваме мешаниот зачин К+.
- По 10-тина минути варење коренот од целер и компирите ги сечкаме на коцки, а морковите на кругови и ги додаваме во тенџерето. Главицата кромид ја сечкаме на кругови и ги печеме во тава за пржење на оган. И нив ги додаваме во тенџерето и вариме уште 40-тина минути.
- Го вадиме свареното пиле од тенџерето, и му ги отстрануваме кожата и коските. Месото ситно го сечкаме и го враќаме во супата во тенџерето. Посолуваме и наросуваме мелен црн пипер.
- Во длабок сад ги ставаме брашното, млекото и 70 мл од киселата павлака. Мешаме со жица и го додаваме размешаното брашно во тенџерето. Откако чорбата ќе зоврие го тргаме тенџерето од оган.
- Во длабока чинија ги кршиме јајцата и ги матиме со жица. Ги додаваме кајмакот и преостанатата павлака, и мешаме со жицата додека не се соединат. Листовите целер ситно ги сечкаме и ги додаваме во чинијата. Потоа непрекинато мешајќи со жицата ги додаваме размешаните јајца во тенџерето.
- Белата пилешка чорба ја сервираме во чорбалак и декорираме со гранчиња магдонос.
Со ова предјадење ви предлагаме да се напиете квалитетно суво бело вино. Се служи на температура од 10-12 степени.
Добар апетит.
