Beli-korali2

Бели Корали

Егзотичната ќерка на морето како што го нарекуваат белиот корал е симбол на животна радост. Можноста да ја почувсвуваат таа радост ќе ја имаат Вашите домашни кога ќе ги здогледаат овие корали од Еурокрем, чоколада, и мелени лешници и ореви на трпезата

Потребно е:

250 г бел Еурокрем
200 бела чоколада
200 г мелени лешници
100 г мелени ореви
2 лажици путер
1 лажица масло за јадење

Подготовка:

  1. Еурокремот и путерот ги ставаме во сад на пареа. На парчиња кршиме 100 г бела чоколада и ја додаваме во садот. Го додаваме маслото и мешаме со лажица.
  2. Откако путерот и чоколадата ќе се растопат го тргаме садот од оган. Ги додаваме мелените лешници и ореви, и мешаме со лажицата додека смесата не се соедини.
  3. Со кафена лажица со подготвената смеса полниме хартиени корпички и ги редиме на послужавник.
  4. На крупната страна од рендето на наполнетите корпички ја рендаме преостанатата бела чоколада.Откако ќе се изладат ги редиме Белите корали на чинија за сервирање.

Со овој десерт ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: