May 5, 2022

Бомбици од Суви Смокви

Десерти

За оваа превкусна смеса од дробени ореви, рендана кора од портокал, рум и растопена чоколада потребни Ви се 5 минути за да ја подготвите и голема инспирација. Во зависност од тоа со што ќе ги облепите може да подготвите безброј видови колачи. Штангли, коцки, триаголници, салами…, а не само бомбици.

Колачи и ситни колачи

Потребно е:

500 г мелени суви смокви
250 г шеќер
250 г дробени ореви
100 г чоколада за готвење
100 мл рум
1 портокал
150 г мелени ореви
100 г чоколадни трошки
100 г шеќер

Подготовка:

Чоколадата ја кршиме на парчиња и ја ставаме во сад на пареа. Откако ќе се растопи го тргаме садот од оган. Во длабок сад ги ставаме мелените смокви, шеќерот и дробените ореви.
На ситната страна од рендето во садот рендаме кора од портокал. Ги додаваме румот и растопената чоколада, и ја месиме смесата со рака додека не се соедини. Формираме бомбици со големина на орев и ги редиме на чинија.
По една третина од бомбиците свалкуваме во шеќер, мелени ореви и чоколадни трошки. Од Бомбиците од суви смокви редиме на чинија за сервирање.

Со овој десерт ви предлагаме да се напиете квалитетно суво бело вино. Се служи на температура од 10-12 степени.

Добар апетит.