Bombici-so-smokvi-(5)

Бомбици со Смокви

Со суво овошје, бадеми и арома на портокал. Бомбици – за час готови, тешко дека некој ќе им најде мана.

Потребно е:

– 250 г суви смокви
– 250 г урми
– 250 г сечкани бадеми
– 250 г суво грозје
– 200 г + 100 г шеќер
– 2 портокала
– 100 г чоколадни трошки

Подготовка:

  1. Во тенџере на оган ставаме 200 г шеќер и додаваме 50 мл вода. Откако шербетот ќе зоврие во тенџерето ги додаваме сечканите бадеми. Промешуваме со лажица и го тргаме тенџерето од оган.
  2. Содржината од тенџерето ја ставаме во длабок сад. Смоквите и урмите ситно ги сечкаме, и ги додаваме во садот. Портокалите ги лупиме, ситно ги сечкаме, па и нив ги додаваме во садот. Потоа го додаваме сувото грозје и ја месиме смесата со рака додека не се соедини.
  3. Од смесата формираме бомбици, 2/3 од бомбиците свалкуваме во преостанатите 100 г шеќер и ги редиме на чинија за сервирање. Преостанатите бомбици ги свалкуваме во чоколадните трошки.
  4. Три црни бомбици ставаме на средината на чинијата за сервирање.

 

Со овој десерт ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: