1. Во тенџере на оган ги ставаме водата и шеќерот, и откако шербетот ќе зоврие го тргаме тенџерето од оган.
2. Урмите ги преливаме со врела вода. Откако ќе омекнат ги цедиме во цедалка и ги ставаме во блендер. Ги додаваме какаото, шербетот, и по 3 лажици мелени лешници и бадеми. Ги миксаме состојките и ги ставаме во длабок сад.
3. Ги додаваме преостанатите лешници и бадеми, и ја месиме смесата со рака додека не се соедини. Формираме топчиња со големина на орев и ги свалкуваме во кокосовото брашно.
4. На чинија за сервирање ставаме четири Бомбици со урми. Декорираме со еден бел шеќерен цвет и два зелени шеќерни листа.

Со овој десерт ви предлагаме да се напиете квалитетно суво бело вино.

Добар апетит.