- Почнуваме со подготовка на подлогата. Во тенџере на оган го ставаме маргаринот да се растопи. Ги додаваме мелените бисквити, мешаме со лажица и го тргаме танџерето од оган. Во подизладената содржина во тенџерето ја додаваме водата. Ја месиме смесата со рака додека не се соедини.
- Чинијата за торта ја обложуваме со хартија и на неа ставаме обрач од тркалезен калап бр 24. Во обрачот ја ставаме подготвената смеса и ја расплескуваме со рака, формирајќи ја подлогата.
- Почнуваме со подготовка на филот. Во сад за матење ја ставаме слатката павлака и матиме со миксер додека не ја добие потребната цврстина. Го додаваме маскарпоне сирењето и матиме со миксерот додека филот не се соедини. Го нанесуваме на подлогата во обрачот на чинијата за торта.
- Почнуваме со подготовка на овошниот прелив. Во тенџере на оган ги ставаме шеќерот, водата и малините, и промешуваме. Вариме додека преливот не ја добие потребната густина и го тргаме тенџерето од оган. Оставаме преливот да се излади.
- И изладениот прелив го нанесуваме во обрачот и ја ставаме чинијата во фрижидер. Откако колачот ќе се излади и ќе се стегне ја вадиме чинијата од фрижидер. Го отстрануваме обрачот и декорираме со малини на чинијата за торта.
Со овој десерт ви предлагаме да се напиете квалитетно суво бело вино. Се служи на температура од 10-12 степени.
Добар апетит.
