1. Почнуваме со подготовка на подлогите. Во сад за матење го кршиме јајцето. Го додаваме маргаринот и матиме со миксер. Потоа ги додаваме мелените ореви и бисквити, и матиме додека смесата не се соедини. Портокалот го цедиме во цедалка и го додаваме сокот во садот за матење. Продолжуваме да ја месиме смесата со рака додека не се соедини.
2. Ја нанесуваме на парче најлонска фолија, намрсена со масло. Со раце ја расплескуваме смесата со дебелина од околу 1 см. Потоа со калап вадиме тркалезни форми. Ги редиме подлогите на намрсената фолија.
3. Почнуваме со подготовка на филот. Во длабок сад ги ставаме маргаринот и шеќерот во прав. Кршиме едно јајце и го додаваме во садот. Второто јајце го кршиме, белката ја оставаме во сад на страна, а жолчката ја додаваме во длабокиот сад. Матиме со миксер додека смесата не стане пенеста.
4. Чоколадата ја кршиме на парчиња и ја ставаме во тенџере на оган. Откако чоколадата ќе се растопи го тргаме тенџерето од оган и оставаме чоколадата да се излади. Ја додаваме во садот со подготвената смеса и матиме со миксер додека филот не се соедини. Го ставаме во слаткарска кеса и ги филуваме претходно подготвените подлоги.
5. На чинија за сервирање редиме неколку Цуцки, и ги декорираме со по еден лист мента и по една зашеќерена цреша.

Со овој десерт ви предлагаме да се напиете квалитетно суво бело вино. Се служи на температура од 10-12 степени.

Добар апетит.