Dvobojni-bombici-(2)

Двобојни Бомбици

Со лешници и чоколада. Овие бомбици е многу тешко да не уживаш во нив.

Потребно е:

ЗА ТЕМНА СМЕСА
– 225 г шеќер во прав
– 225 г мелени лешници
– 100 г чоколада за готвење
– 2 јајца
– 2-3 лажици рум

ЗА СВЕТЛА СМЕСА
– 120 г маргарин
– 100 г шеќер во прав
– 3 варени жолчки

ЗА УКРАСУВАЊЕ
– 100 г мелени лешници

Подготовка:

  1. Почнуваме со подготовка на темната смеса. Чоколадата ја кршиме на парчиња, ја ставаме во тенџере на оган и мешаме со лажица. Откако чоколадата ќе се растопи го тргаме тенџерето од оган. Оставаме чоколадата да се излади.
  2. Јајцата ги кршиме и ги делиме белките од жолчките. Ги матиме белките со миксер и го додаваме шеќер во прав. Откако белките ќе ја добијат потребната цврстина во садот ги додаваме мелените лешници, изладената растопена чоколада и румот. Матиме со миксерот додека темната смеса не се соедини.
  3. Почнуваме со подготовка на светлата смеса. Во сад за матење ги ставаме маргаринот и шеќерот во прав. Матиме со миксер додека маргаринот не стане пенест. Варените жолчки ги гмечиме со виљушка и ги додаваме во садот. Матиме со миксер додека светлата смеса не се соедини.
  4. На едната рака ставаме шеќер во прав. Земаме од светлата смеса, формираме топче и го ставаме на послужавник. На истиот начин ги подготвуваме сите топчиња и ги редиме на послужавникот. Потоа земаме од темната смеса и ја расплескуваме на едната рака. На средината ставаме топче од светлата смеса и ја формираме бомбицата. Ја свалкуваме во 100-те грама мелени лешници и ја враќаме на послужавникот. Н
  5. а истиот начин ги формираме сите бомбици и ги редиме на послужавникот. Од Двобојните бомбици ставаме на чинија за сервирање. Две бомбици сечеме на половина, па и нив ги додаваме на чинијата.

 

Со овој десерт ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: