- Во длабок сад ги ставаме филетите од ослич. Посолуваме и наросуваме мелен бел бибер. Лимонот го цедиме во цедалка и со половина од сокот ги попрскуваме филетите. Зачинетите филети ги набрашнуваме од двете страни и ги пржиме на загреано масло во тава на оган. Откако ќе се испржат од двете страни ги вадиме од тавата и ги ставаме на чинија.
- Во тавата со преостанатото масло на оган го додаваме путерот. Чешнињата лук ги сечкаме на парчиња и кратко ги запржуваме на загреаната мрснотија. Ги додаваме неутралната павлака, карито, сувиот копар, преостанатиот мелен бел бибер и преостанатиот лимонов сок. Откако сосот ќе ја добие потребната густина ја тргаме тавата од оган.
- На чинија за сервирање ставаме две филети од ослич и ги преливаме со сосот. Декорираме со ситно сечкани перца млад кромид.
Со ова јадење ви предлагаме да се напиете квалитетно суво бело вино. Се служи на температура од 10-12 степени.
Добар апетит.