- Во тенџере со зовриена вода ставаме коцка супа да се вари.
- Месото од двете страни го посолуваме, наросуваме со црн пипер, брашно и го пржиме на загреано масло во друго тенџере на шпорет. Кога ќе порумени од двете страни го тргаме од тенџерето и го ставаме на чинија.
- Чешнињата лук ги сечкаме на парќиња и ги пропржуваме на преостанатото масло во тенџерето на шпоретот. Листовите рузмарин ги кинеме на гранчиња и ги додаваме во тенџерето. Додаваме бело и црвено вино, оцет, жалфија, ловорови листови, каранфилчињата и зачинот. Чили пиперките и магдоносот ситно ги сечкаме и ги додаваме во тенџерето. Додавама од супата од коцка и го враќаме месото во тенџерето. Посолуваме, наросуваме црн пипер и вариме ½ час. Кога месото ќе омекне го тргаме тенџерето од шпоретот. Месото го вадиме од тенџерето и го сечеме на парчиња.
- На чинија за сервирање ставиме парчиња од претходно издинстаните зеленчуци. На нив сервираме две парчиња пикантно јунешко и ги преливаме со сосот од тенџерето.
Со ова јадење ви предлагаме да се напиете квалитетно суво црвено вино. Се служи на температура од 18-20 степени.
Добар апетит
