1. Главицата кромид ја сечкаме на тенки резанки и ја пржиме на загреано масло во тава на оган. Откако кромидот ќе омекне го ставаме во керамичко грне.
2. Модриот патлиџан го сечкаме на коцки, го пржиме на преостанатото масло во тавата на оган и го додаваме во грнето. И пиперката ја сечкаме на коцки, ја запржуваме во тавата и ја додаваме во грнето.
3. На ситната страна од рендето ги рендаме морковите и коренот од целер, и ги ставаме во тавата на оган. Лентите сланина ги сечкаме на ситни коцки и ги додаваме во тавата. Во тавата со запржениот зеленчук и сланината го додаваме меленото месо и го ситниме со лажица. Посолуваме и наросуваме мелен црн пипер. Откако месото ќе се испржи ситно го сечкаме магдоносот и заедно со доматниот сос го додаваме во тавата.
4. Во посолена зовриена вода во тенџере на оган ги вариме резанките. Полу сварените резанки ги цедиме во цедалка и ги додаваме во тавата на оган. Потоа и содржината од тавата ја додаваме во грнето и промешуваме. Го покриваме со капак и го ставаме грнето во рерна. Печеме 40 минути на 220 степени и го вадиме од рерна.
5. Од Грнето со мелено месо ставаме на чинија за сервирање.

Со ова јадење ви предлагаме да се напиете квалитетно суво црвено вино. Се служи на температура од 18-20 степени.

Добар апетит.