jagneski-kotleti-so-sirewe

Јагнешки Котлети со Сирење

Тие што го сакаат јагнешкото уживаат во него како и да им го подготвите. Но, тврдиме дека вреди да го пробате и ова, испечено со фил од јајца, тимијан, коцки шунка и рендано сирење. А, со салатава е како измислено за сезонава.

Потребно е:

1 ½ кг јагнешки котлети
200 г сирење
150 г шунка
2 јајца
1 лажица црвен пипер
1 кафена лажица сув тимијан
1 кафена лажица сув рузмарин
масло за јадење
Хималајска сол и црн пипер

Подготовка:

  1. Котлетите ги толчиме со дрвен чук. Од двете страни ги посолуваме, и ги наросуваме со мелен црн пипер. Потоа ги наросуваме со црвен пипер, рузмарин и со половина од тимијанот.
  2. Ги притискаме котлетите со раце за да се залепат зачините и ги пржиме на загреано масло во тава на оган. Откако ќе поруменат од двете страни ги вадиме котлетите од тавата за пржење и ги ставаме во керамичка тава, намрсена со масло.
  3. Во длабок сад ги кршиме јајцата и го додаваме преостанатиот тимијан. Шунката ја сечкаме на коцки и ја додаваме во садот. На ситната страна од рендето во садот го рендаме сирењето. Наросуваме мелен црн пипер и го промешуваме филот со лажица.
  4. Од филот нанесуваме на секој котлет и ја ставаме тавата во рерна. Печеме 15-тина минути на 220 степени и ја вадиме од рерна.
  5. На чинија за сервирање нанесуваме претходно подготвена и зачинета салата од марула со млад кромид и ротквички. Врз неа редиме кругови краставица и домат. Ги сервираме котлетите и декорираме со кругови лимон.

Со ова јадење ви предлагаме да се напиете квалитетно суво црвено вино. Се служи на температура од 18-20 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: