Prsteni-od-sunka1

Прстени со Шунка

Палачинки филувани со урда, испржен млад кромид и мајчина душичка, врз филот по 2 круга шунка и свиткани ролати. Исечени на парчиња, испечени на подлога од тиквички со кромид и шафран, па да не знае човек дали на прстените им е поубава формата, вкусот или аромата која ќе Ви ја исполни кујната.

Потребно е:

24 кругови шунка
12 палачинки
500 г тиквички
450 г урда
100 г кромид
30 г рендан пармезан
1 младо кромитче
2-3 лажици млеко
½ кафена лажица сува мајчина душичка
½ кафена лажица шафран
50 г путер
масло за јадење
Хималајска сол и црн пипер

Подготовка:

  1. Младото кромитче го сечкаме на парчиња. Кратко го запржуваме на загреана мешавина од путер и масло, и ја тргаме тавата од оган. Во длабок сад ги ставаме урдата, мајчината душичка, млекото и запрженото младо кромитче.
  2. Посолуваме, наросуваме мелен црн пипер и го промешуваме филот со лажица. Едната половина од првата палачинка ја премачкуваме со фил, ставаме два круга шунка и виткаме ролат. На истиот начин ги подготвуваме сите палачинки.
  3. Им ги отсекуваме краевите, ги сечеме на парчиња и ги редиме на чинија. На тиквичките им ги отсекуваме краевите и ги сечкаме на коцки. Ги пржиме на загреана мешавина од преостанатиот путер и масло во друга тава на оган. Главицата кромид ситно ја сечкаме и ја додаваме во тавата. Посолуваме, наросуваме мелен црн пипер и го додаваме шафранот.
  4. Откако тиквичките и кромидот ќе омекнат ја тргаме тавата од оган. Содржината ја ставаме во блендер, додаваме 2 лажици масло и 30 мл вода, и миксаме. Смесата ја нанесуваме во керамичка тава за печење, намрсена со масло.
  5. Врз неа исправени ги редиме парчињата палачинки и ги наросуваме со ренданиот пармезан. Ја ставаме тавата во рерна. Печеме 20-тина минути на 200 степени и ја вадиме од рерна.
  6. На чинија за сервирање ставаме од прстените. До нив нанесуваме од сосот од тиквички и го шариме со лажица. Декорираме со полукругови лимон и гранчиња француски магдонос.

Со ова предјадење ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published. Required fields are marked *

Слични рецепти: