- Обландата ја свиткуваме во навлажнета кујнска крпа и оставаме да омекне. Сувите смокви и сливи ситно ги сечкаме, и ги ставаме во длабок сад. И овошјето од компот ситно го сечкаме и го додаваме во садот.
- На работна маса со сукалка ги дробиме оревите и ги додаваме во садот. Потоа го додаваме џемот. Бисквитите ги кршиме на парчиња, па и нив ги додаваме во садот. Во тенџере на оган го ставаме путерот.
- Откако ќе се растопи го тргаме тенџерето од оган. Ги додаваме шеќерот и какаото, и мешаме со лажица. Оставаме смесата да се излади. Потоа во тенџерето додаваме 1 јајце.
- Второто јајце го кршиме, белката ја оставаме во сад на страна, а жолчката ја додаваме во тенџерето. Ја мешаме смесата со лажицата додека не се соедини. Ја додаваме во садот со овошјето и бисквитите, и го промешуваме филот со лажицата.
- Омекнатата обланда ја одвиткуваме од крпата и од шарената страна ја премачкуваме со филот. Виткаме ролат, оставаме да се излади и го сечеме на парчиња. На чинија за сервирање скалесто и во круг ги редиме парчињата Овошна салама.
Со овој десерт ви предлагаме да се напиете квалитетно суво бело вино. Се служи на температура од 10-12 степени.
Добар апетит.