Ljubovno-gnezdo2

Љубовно Гнездо

Секое гнездо е асоцијација за нешто заштитено, полно со топлина и љубов. Е ова е полно и со дробени ореви, фил со кокосово брашно и шлаг, па откако ќе го вкусите Ви преостанува само да си гугукате како птичките во гнездото.

Потребно е:

10 јајца

ЗА КОРА

350 г шеќер
250 г ореви
1 лажица сок од лимон

ЗА ФИЛОВИ

1 литар млеко
250 г шеќер
4 кесички прашок за пудинг од ванила
250 г путер
200 г кокосово брашно
100 г чоколада за готвење

ЗА УКРАСУВАЊЕ

200 мл млеко
2 кесички прашок за шлаг

Подготовка:

  1. Почнуваме со подготовка на кората. На работна маса со сукалка ги дробиме оревите. Јајцата ги кршиме и ги делиме белките од жолчките. Ги матиме белките со миксер. Во садот ги додаваме шеќерот и лимоновиот сок, и матиме додека шеќерот не се растопи и белките не ја добијат потребната цврстина.
  2. Во тава од рерна, обложена со хартија ги распоредуваме издробените ореви. Врз нив ги нанесуваме изматените белки и ја ставаме тавата во рерна. Печеме 15 минути на 200 степени и ја вадиме од рерна. Почнуваме со подготовка на филовите.
  3. Жолчките ги матиме со миксер. Во садот додаваме 150 г шеќер и матиме додека не се растопи. Го ставаме садот на пареа и мешаме со лажица. Откако кремот ќе ја добие потребната густина го тргаме садот од оган. Оставаме кремот да се излади.
  4. Во тенџере на оган ставаме 700 мл млеко и ги додаваме преостанатите 100 г шеќер. Прашокот за пудинг го додаваме во садот со преостанатото млеко и мешаме со жица. Потоа непрекинато мешајќи со жицата го додаваме размешаниот пудинг во зовриеното млеко во тенџерето на оган.
  5. Откако пудингот ќе ја добие потребната густина го тргаме тенџерето од оган. Оставаме пудингот да се излади и го ставаме во длабок сад. Го додаваме путерот и матиме со миксер додека смесата не се соедини.
  6. Потоа го додаваме кремот од жолчки и повторно матиме додека филот не се соедини. Половина од филот ставаме во сад за матење. Во длабокиот сад го додаваме кокосовото брашно и го мешаме филот со лажица. Изладената кора ја вадиме од тавата, и ја отстрануваме хартијата и ја сечеме на 3 еднакви ленти по должина.
  7. На послужавник ја ставаме првата лента и ја премачкуваме со фил без кокосово брашно. На ситната страна од рендетео на филот рендаме чоколада. И врз неа нанесуваме од истиот фил и ја ставаме втората лента од кората.
  8. Ја филуваме со филот со кокосово брашно. Прекриваме со третата лента и целата торта ја премачкуваме со преостанатиот фил со кокосово брашно. Во сад за матење ги ставаме прашокот за шлаг и млекото, и матиме со миксер додека шлагот не ја добие потребната цврстина.
  9. Го ставаме во слаткарска кеса, и ги украсуваме долните странични делови и краевите на горната површина на тортата. Топки шлаг нанесуваме на средината на горната површина на тортата.
  10. И преостанатиот фил без кокосово брашно го ставаме во слаткарска кеса и со топки фил ја декорираме горната површина на тортата. Преостанатата чоколада ја рендаме на чинија и ја наросуваме на шлагот на Љубовното гнездо.

Со овој десерт ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: