- Месото го засекуваме на средината формирајќи џеб. Во џебот ги ставаме варените јајца. Потоа го засекуваме месото на повеќе места. Сланината ја сечкаме на долгнавести парчиња.
- Ги ставаме парчињата сланина и виршлите во засеците. Полнетата печеница ја посолуваме од двете страни и ја наросуваме со мелен црн пипер. Ја пржиме на растопениот путер во тава за печење на оган додека не порумени од двете страни.
- Додаваме 400 мл вода и откако течноста ќе зоврие ја тргаме тавата од оган. Ја покриваме со алуминиумска фолија и ја ставаме во рерна. Печеме 90 минути на 200 степени и ја вадиме тавата од рерна.
- Ја отстрануваме фолијата и со црпалка ја ставаме течноста од тавата во тенџере на оган. Откако ќе зоврие го тргаме тенџерето од оган. Ја додаваме киселата павлака и го мешаме сосот со жица.
- Печеницата ја вадиме од тавата и ја сечеме на парчиња. На чинија за сервирање ставаме претходно обарени зрна грашок и пченка.
- До нив скалесто ги сервираме парчињата Јунешка печеница полнета со јајца и виршли. Потоа на чинијата нанесуваме од сосот од тенџерето и декорираме со листови магдонос.
Со ова јадење ви предлагаме да се напиете квалитетно суво црвено вино. Се служи на температура од 18-20 степени.
Добар апетит
