- Во сад за матење ги кршиме јајцата и ги матиме со миксер. Го додаваме шеќерот и матиме со миксерот додека не се растопи. Потоа ги додаваме млекото, маслото, прашокот за печиво, брашното и кокосовото брашно.
- Мешаме со лажица додека смесата не се соедини. Тркалезната тава бр 24 со готварска четка ја намрсуваме со масло и ја набрашнуваме. Во тавата нанесуваме 2/3 од подготвената смеса. Во преостанатата смеса во садот за матење го додаваме какаото и мешаме со лажица. И оваа смеса ја нанесуваме во тавата и благо промешуваме.
- Ја ставаме тавата во рерна. Печеме 30 минути на 200 степени и ја вадиме од рерна. Оставаме раванијата да се излади.
- Почнуваме со подготовка на шербетот. Во тенџере на оган ги ставаме водата и шеќерот. Откако шербетот ќе зоврие го тргаме тенџерето од оган. Со црпалка со топлиот шербет ја преливаме изладената раванија.
- Откако ќе го впие шербетот ја сечеме на парчиња. На чинија за сервирање ставаме четири парчиња Кокос раванија. Декорираме со тенки парчиња бела чоколада и зелени шеќерни листови.
Со овој десерт ви предлагаме да се напиете квалитетно суво бело вино. Се служи на температура од 10-12 степени.
Добар апетит.