- Почнуваме со подготовка на пандишпанот. Јајцата ги кршиме и ги делиме белките од жолчките. Ги матиме белките со миксер. Во садот додаваме половина од шеќерот и матиме додека не се растопи. Потоа со миксерот ги матиме жолчките. Го додаваме преостанатиот шеќер и матиме додека не се растопи.
- Во садот ги додаваме маслото, млекото, прашокот за печиво, мелениот афион и брашното, и мешаме со лопатка додека состојките не се соединат. На крајот ги додаваме изматените белки и благо ја промешуваме смесата.
- Правоаголната тава бр 32 ја намрсуваме со масло и ја набрашнуваме. Ја нанесуваме подготвената смеса и ја ставаме тавата во рерна. Печеме 45 минути на 190 степени и ја вадиме од рерна.
- Почнуваме со подготовка на кремот. Во тенџере на оган ги ставаме млекото, гризот и ванилиниот шеќер, и мешаме со жица. Откако кремот ќе ја добие потребната густина го тргаме тенџерето од оган. На ситната страна од рендето во тенџерето рендаме кора од лимон. Промешуваме и оставаме кремот да се излади.
- Во сад за матење ги ставаме маргаринот и шеќерот во прав. Матиме со миксер додека маргаринот не стане пенест. Го додаваме изладениот крем и матиме со миксерот додека не се соедини со изматениот маргарин. Изладениот пандишпан го вадиме од тавата и го ставаме на послужавник. Горната површина на пандишпанот ја премачкуваме со крем. Го ставаме послужавникот во фрижидер.
- Почнуваме со подготовка на преливот. Чоколадата ја кршиме на парчиња и ја ставаме во тенџере на оган. Го додаваме маслото и мешаме со лажица. Откако чоколадата ќе се растопи го нанесуваме праливот на изладениот колач и оставаме да се стегне.
- Го сечеме колачот на коцки. На чинија за сервирање ставаме три парчиња колач. Преостанатиот крем го ставаме во слаткарска кеса. Со топчиња крем ги украсуваме парчињата колач и чинијата за сервирање.
Декорираме со кругови портокал свиткани во форма на цветови. Со овој десерт ви предлагаме да се напиете квалитетно суво бело вино. Се служи на температура од 10-12 степени.
Добар апетит.