- Почнуваме со подготовка на пандишпанот. Јајцата ги кршиме и ги делиме белките од жолчките.
- Во садот со жолчките го додаваме шеќерот во прав и матиме со миксер додека жолчките не станат пенести. На крупната страна од рендето во садот ја рендаме чоколадата за готвење и промешуваме со лажица.
- Потоа со миксерот ги матиме белките, и ги додаваме во садот со жолчките со чоколада. Го додаваме брашното и мешаме со лажицата додека смесата не се соедини.
- Ја нанесуваме во правоаголна тава бр 36, обложена со хартија. Тавата ја ставаме во рерна. Печеме 15-тина минути на 200 степени и ја вадиме од рерна.
- Почнуваме со подготовка на филот. Во сад за матење ја ставаме слатката павлака и матиме со миксер. Ги додаваме шеќерот во прав и ванилиниот шеќер.
- Откако изматената павлака ќе ја добие потребната цврстина го додаваме какаото и матиме додека филот не се соедини. Изладениот пандишпан го вадиме од тавата, му ја отстрануваме хартијата и го сечеме на половина по должина.
- Првиот дел од пандишпанот го ставаме на послужавник и го премачкуваме со фил. Прекриваме со вториот дел од пандишпанот и го филуваме целиот колач. Го сечеме на 8 коцки. Преостанатиот фил го ставаме во слаткарска кеса и го украсуваме секое парче колач. Ги декорираме колачите со чоколаден прелив и едно парче ставаме на чинија за сервирање.
Со овој десерт ви предлагаме да се напиете квалитетно суво бело вино. Се служи на температура од 10-12 степени.
Добар апетит.