- Во длабок сад го ставаме брашното. Кршиме 1 јајце и го додаваме во садот. Второто јајце го кршиме, белката ја оставаме во сад на страна, а жолчката ја додаваме во длабокиот сад.
- Ги додаваме млекото и маргаринот. Посолуваме и со рака замесуваме тесто. Кинеме парче од тестото, во средината ставаме една кикиритка, формираме бомбица со големина на орев.
- На истиот начин ги формираме сите бомбици и ги редиме на послужавник. Ги свалкуваме бомбиците во белката, а потоа во сусамот и ги редиме во огноотпорен сад.
- Печеме 20 минути на 220 степени и го вадиме садот од рерна. Ги вадиме бомбиците од огноотпорниот сад и ги редиме на чинија за сервирање. Декорираме со листови целер и гранче црвен босилек.
Со ова предјадење ви предлагаме да се напиете квалитетно суво бело вино. Се служи на температура од 10-12 степени.
Добар апетит.
