liptauer

Липтауер

Самото име значи вид овчо сирење кое потекнува од Липтово во Словачка, за подоцна да почне да се прави и од кравјо сирење. Синоним е за намаз од сирење со разни додатоци, кој обично се служи со домашен ржан леб. Освен со извонредниот вкус вака сервиран нема да Ве засрами ниту пред најважните гости.

Потребно е:

500 г сирење
250 г кајмак
150 г маргарин
100 г кромид
2 варени, лупени јајца
2 лажици сенф
½ лажица црвен пипер
1 кафена лажица ким

Подготовка:

  1. Главицата кромид ситно ја сечкаме и ја ставаме во длабок сад. И кимот ситно го сечкаме и го додаваме во садот.
  2. На крупната страна од рендето во садот го рендаме сирењето. Варените јајца ги сечеме на половина, и ги додаваме жолчките во садот.
  3. Потоа ги додаваме кајмакот, маргаринот, сенфот и црвениот пипер. Ја месиме смесата со рака додека не се соедини и ја ставаме во длабок сад, обложен со најлонска фолија. Прекриваме со краевите на фолијата и го ставаме садот во фрижидер.
  4. Откако смесата ќе се излади и ќе се стегне го вадиме садот од фрижидер и ја отвораме фолијата.
  5. Чинијата за сервирање ја украсуваме со листови марула. Во форма на куп го сервираме Липтауерот. Преостанатите варени белки ситно ги сечкаме и ги нанесуваме на купот. На средината ставаме еден шери домат и по Липтауерот редиме кругови зелени маслинки полнети со пиперки. Декорацијата ја дополнуваме со гранчиња француски магдонос, рендан морков и шери домати.

Со ова предјадење ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: