Kompir-so-feta-i-sirenje-(2)

Компири со Фета Сирење

За печени компири и онака не е потребен посебен коментар. Но, кога ќе кажеме – наполнети со испржен фил од кромид, коцки свински врат и издлабените делови од компирите, и измешан со босилек и фета сирење, муабетот е веќе друг. Растопениот кашкавал врз филот не остава простор за дилема дали да ги пробате

Потребно е:

– 8 средни излупени компири
– 150 г фета сирење
– 200 г кашкавал
– 100 г ленти чаден свински врат
– 100 г кромид
– 3 гранчиња свеж босилек
– 50 г путер
– Масло за јадење
– Хималајска сол

Подготовка:

  1. Компирите со алатка ги длабиме за полнење и ги редиме во тава за печење, намрсена со масло. Главицата кромид ситно ја сечкаме, ја пржиме на загреана мешавина од путер и масло во тава на оган, и посолуваме.
  2. Лентите свински врат ги сечкаме на коцки и ги додаваме во тавата со омекнатиот кромид. На крупната страна од рендето ги рендаме издлабените делови од компирите, па и нив ги додаваме во тавата. Откако и компирите ќе се запржат ја тргаме тавата од оган.
  3. Босилекот ситно го сечкаме и го додаваме во тавата. Потоа го додаваме фета сирењето и го дробиме со виљушка. Посолуваме, го промешуваме филот и ги полниме издлабените компири.
  4. Кашкавалот го сечеме на 8 ленти и по една лента ставаме на секој наполнет компир. Попрскуваме со масло и во тавата додаваме 100 мл вода.
  5. Ја покриваме тавата со алуминиумска фолија и ја ставаме во рерна.
  6. Печеме 40 минути на 200 степени и ја вадиме тавата од рерна.
  7. Чинијата за сервирање ја украсуваме со листови марула и црвена зелка, и ги сервираме испечените компири.

Со ова предјадење ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: