Zalepeni-baknezi-(2)

Залепени Бакнежи

Брзи, лесни и многу вкусни. Вака ние би ги нарекле овие целувки печени на јатки ореви и лепени со растопена чоколада.

Потребно е:

3 јајца
100 г шеќер во прав
3 кесички ванилин шеќер
1 лимон
100 г јатки ореви
100 г чоколада за готвење
50 г путер

Подготовка:

  1. Лимунот го цедиме во цедалка.
  2. Јајцата ги кршиме, белките ги ставаме во сад за матење, а жолчките ги оставаме во сад на страна.
  3. Ги матиме белките со миксер. Ги додаваме шеќерот во прав и ванилиниот шеќер и матиме додека не се растопат. Потоа го додаваме лимоновиот сок и матиме додека белките не ја добијат потребната цврстина.
  4. Ги ставаме во слаткарска кеса. Јатките ореви ги редиме во тавата за печење, обложена со хартија. Со кесата на секоја јатка нанесуваме по едно топче од белки.
  5. Ја ставаме тавата во рерна. Печеме 60 минути на 125 степени и ја вадиме од рерна.
  6. Чоколадата за готвење ја кршиме на парчиња и ја ставаме во тенџере на оган. Го додаваме путерот, и откако ќе се растопат го тргаме тенџерето од оган.
  7. Првиот орев од бакнежот го потопуваме во растопена чоколада со путер. Врз чоколадата ставаме уште еден бакнеж.
  8. На истиот начин ги подготвуваме сите Залепени бакнежи и ги редиме на чинија за сервирање.

Со овој десерт ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: