1. Почнуваме со подготовка на бисквитното тесто. Во сад за матење ги кршиме јајцата и ги матиме со миксер. Го додаваме шеќерот во прав и матиме додека не се растопи. Потоа го додаваме брашното и мешаме со лажица додека смесата не се соедини.
2. Ја нанесуваме во тава од рерна, обложена со хартија. Тавата ја ставаме во рерна. Печеме 20 минути на 200 степени и ја вадиме од рерна.
3. Почнуваме со подготовка на филот. Во тенџере на оган го ставаме чајот. Чоколадата ја кршиме на парчиња и ја додаваме во тенџерето. На ситната страна од рендето во тенџерето рендаме кора од лимон. Лимоните ги цедиме во цедалка и 2/3 од лимоновиот сок додаваме во тенџерето. Потоа во цедалката ги цедиме портокалите и го додаваме сокот во тенџерето. Го додаваме шеќерот и мешаме со лажица.
4. Откако содржината ќе зоврие го тргаме тенџерето од оган и оставаме филот да се излади. Изладеното бисквитно тесто го вадиме од тавата, му ја отстрануваме хартијата и го сечеме на 3 еднакви ленти по должина.
5. Првата лента ја ставаме на послужавник и на неа со лажица нанесуваме од филот. Врз филот прво нанесуваме половина од мармаладот од кајсии, а потоа од слаткото од вишни. Врз слаткото наросуваме мелени ореви. Ја ставаме втората лента бисквитно тесто и ја повторуваме истата постапка на филување. Прекриваме со третата лента тесто и ја премачкуваме со преостанатиот фил.
6. Почнуваме со подготовка на преливот. Во длабок сад го ставаме шеќерот во прав. Ги додаваме румот и лимоновиот сок, преостанат од филот и мешаме со лажица. Со лажицата го нанесуваме шеќерниот прелив на колачот.
7. Откако ќе се излади и ќе се стегне го сечеме колачот на парчиња. На чинија за сервирање ставаме едно парче колач. Декорираме со полукругови портокал, зелени шеќерни листови и едно чоколадно топче.

Со овој десерт ви предлагаме да се напиете квалитетно суво бело вино. Се служи на температура од 10-12 степени.

Добар апетит.