- Квасецот го рониме со рака и го ставаме во длабок сад. Ги додаваме млекото, маслото, гризот, ванилиниот шеќер, прашокот за печиво и какаото, и непрекинато мешаме со лажица. Јајцата ги кршиме, ги додаваме во садот и со брашното замесуваме тесто.
- Продолжуваме да го месиме тестото на работна маса додека не стане мазно и го сечеме на два еднакви дела. Од првото парче тесто на набрашнета работна маса со сукалка развлекуваме правоаголна кора. Ги отсекуваме краевите на кората и ја сечеме на квадрати од 7 х 7 см. Средината на секој квадрат со нож ја засекуваме на по неколку места. Врз засечените делови ставаме по една урма и ги свиткуваме квадратите во ролнички, формирајќи ги гасеничките.
- Ги редиме во тава за печење, обложена со хартија. Истата постапка ја повторуваме и со преостанатото тесто. Ја ставаме тавата во рерна. Печеме 30 минути на 200 степени и ја вадиме од рерна. Оставаме колачите да се изладат.
- Почнуваме со подготовка на шербетот. Во тенџере на оган ги ставаме шеќерот и водата. Лимонот го цедиме во цедалка и го додаваме лимоновиот сок во тенџерето. Вариме 10-тина минути и го тргаме тенџерето со шербетот од оган.
- Изладените колачи ги потопуваме во тенџерето со врелиот шербет. Откако ќе впијат од шербетот редиме од Колачињата Гасенички на чинија за сервирање. Декорираме со горниот дел од еден лимон и со полукругови лимон.
Со овој десерт ви предлагаме да се напиете квалитетно суво бело вино. Се служи на температура од 10-12 степени.
Добар апетит.
