- Во тенџере со зовриена вода на оган ја ставаме коцката да се вари супа. Месото го посолуваме и го наросуваме со мелен црн пипер. Го покриваме со најлонска фолија, го толчиме со чук и ја отстрануваме фолијата.
- На едната половина од месото ги редиме парчињата кашкавал, а врз нив лентите печеница. Го преклопуваме месото на половина и го зацврстуваме со чепкалки. Од двете страни го набрашнуваме во 50 г брашно.
- Потоа го пржиме на загреана мешавина од растопениот путер и масло во тава на оган. Откако ќе порумени од двете страни го вадиме месото од тавата и го ставаме на чинија. Во тавата на оган го додаваме црвеното вино.
- Со црпалка додаваме и од супата од коцка. Откако содржината ќе зоврие во тавата го враќаме испрженото месо и динстаме додека не омекне. Го вадиме месото од тавата, го ставаме на чинија и му ги отстрануваме чепкалките. Во садот со преостанатата лажица брашно додаваме 100 мл супа и мешаме со жица.
- Размешаното брашно го додаваме во тавата и мешаме со жицата. Откако сосот ќе ја добие потребната густина ја тргаме тавата од оган. Чинијата за сервирање ја украсуваме со еден лист марула, три шери домати и гранчиња француски магдонос.
- На едната страна на чинијата го ставаме парчето Кордон руж и го преливаме со сосот од тавата. На другата страна сервираме половинки претходно сварени компири, обарени цветови брокула и карфиол, и долгнавести парчиња варени моркови.
Со ова јадење ви предлагаме да се напиете квалитетно суво црвено вино. Се служи на температура од 18-20 степени.
Добар апетит.
