- Главицата кромид ситно ја сечкаме и ја пржиме на загреано маслиново масло во тенџере на оган. Шампињоните ги сечкаме на листови и ги додаваме во тенџерето со омекнатиот кромид.
- Откако и шампињоните ќе се испржат во тенџерето го додаваме путерот и рендаме морско оревче. Посолуваме, наросуваме мелен црн пипер и го додаваме брашното. Во тенџерето со запрженото брашно постепено го налеваме млекото и непрекинато мешаме со лажица. Откако смесата ќе ја добие потребната густина го тргаме тенџерето од оган и оставаме смесата да се лади 3 часа.
- Со две лажици од смесата формираме крокети и ги ставаме на чинија наросена со лебни трошки. Во длабока чинија ги кршиме јајцата, ги посолуваме и ги матиме со виљушка. Крокетите прво ги свалкуваме во изматените јаца, а потоа ги облепуваме со лебни трошки.
- Ги пржиме на поголема количина загреано масло за јадење во тава на оган. Откако ќе поруменат од сите страни ги вадиме крокетите од тавата и ги ставаме на чинија обложена со хартија. Чинијата за сервирање ја украсуваме со сечкана марула, и листови босилек и магдонос.
- Потоа сервираме три Крокети со печурки и нанесуваме претходно подготвен прелив од мајонез, кисела павлака и лимонов сок. Наросуваме со мелен црн пипер и декорираме со еден круг лимон.
Со ова предјадење ви предлагаме да се напиете квалитетно суво бело вино. Се служи на температура од 10-12 степени.
Добар апетит.
