Kuglof-so-brusnici-(3)

Куглоф со Брусници

Еден од побрзите и многу вкусни десерти кој може да се подготви и во 5 до 12, а на сите да им се допадне. Изборот со што ќе го дополните е навистина голем. Но, со брусници и миксани банани тешко дека сте го правеле. Е, па вреди да пробате, верувајте на збор, па уште декориран со шлаг – ќе замени и торта.

Потребно е:

3 јајца
200 г шеќер
200 г брашно
300 г банани
200 мл сок од брусници
150 г брусници
150 мл млеко
100 г сечкани ореви
2 лажици масло за јадење
2 лажици рум
1 прашок за печиво

Подготовка:

  1. Во сад за матење ги кршиме јајцата. Го додаваме шеќерот и матиме со миксер додека не се растопи. Бананите ги лупиме и ги сечкаме на парчиња. Ги миксаме со блендер и ги додаваме во садот за матење.
  2. Потоа ги додаваме млекото, брашното, сокот од брусници, маслото, прашокот за печиво, румот, оревите и брусниците. Мешаме со лажица додека смесата не се соедини.
  3. Ја нанесуваме во со масло намрсен и набрашнет калап куглоф. Го ставаме калапот во рерна. Печеме 50 минути на 180 степени и го вадиме од рерна.
  4. Подизладениот Куглофот со брусници го вадиме од калапот и го ставаме на чинија за торта. Декорираме со претходно изматен шлаг.

Со овој десерт ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: