1. Зовриената вода во тенџере на оган ја посолуваме и додаваме масло. Во водата ги обаруваме лазањите. Ги вадиме од тенџерето и ги редиме на кујнска крпа, за да се засушат.
2. Главиците кромид ситно ги сечкаме и ги пржиме на загреано масло во тава на оган. Морковите ги сечкаме на тенки кругови, а шампињоните на листови и ги додаваме во тавата со омекнатиот кромид. Пилешките гради ги сечкаме на коцки, па и нив ги додаваме во тавата со запржениот зеленчук. Посолуваме, наросуваме мелен црн пипер и го додаваме мешаниот зачин К+. Доматот го сечкаме на коцки, и го додаваме во тавата. Откако ќе се запржи ја тргаме тавата со филот од оган.
3. На крупната страна од рендето на чинија го рендаме кашкавалот. Дното на огноотпорен сад, намрсен со масло го прекриваме со лазањи. Врз нив прво нанесуваме од филот, а потоа и од ренданиот кашкавал. Истата постапка ја повторуваме додека не ги потрошиме состојките. Редењето го завршуваме со лазањи и ги наросуваме со преостанатиот рендан кашкавал. Во садот додаваме 100 мл вода и го ставаме во рерна. Печеме 45 минути на 210 степени и го вадиме садот од рерна.
4. Ги сечеме подизладените лазањи на парчиња. На чинија за сервирање ставаме две парчиња Лазањи со пилешко. Врз секое парче ставаме по една лажица кисела павлака и декорираме со гранчиња магдонос.

Со ова предјадење ви предлагаме да се напиете квалитетно суво бело вино. Се служи на температура од 10-12 степени.

Добар апетит