- Празот го сечкаме на тенки полукругови и го пржиме на загреано масло во тава на оган. Посолуваме, наросуваме мелен црн пипер и го додаваме мешаниот зачин К+. Во тавата со испржениот праз ги додаваме шампињоните. Откако и тие ќе се запржат ја тргаме тавата со филот од оган.
- Во длабок сад ставаме 250 мл масло. Ги додаваме газираната вода и прашокот за печиво, и промешуваме. Во правоаголна тава бр 40 една врз друга редиме една третина од корите. Секоја кора ја попрскуваме со мешавината од масло, газирана вода и прашок за печиво. Врз корите нанесуваме половина од филот. Го прекриваме со втората третина од корите, сите попрскани со мешавината од масло и вода. Потоа во тавата ја нанесуваме втората половина од филот и ги редиме преостанатите попрскани кори.
- Ја сечеме питата на коцки и уште еднаш попрскуваме со преостанатата мешавина од масло, газирана вода и прашок за печиво. Тавата ја ставаме во рерна. Печеме 30 минути на 220 степени и ја вадиме од рерна.
- На чинија за сервирање редиме четири парчиња Пита со печурки од готови кори. На едниот крај од чинијата ставаме две лажици кисела павлака. Декорираме со цветови формирани од листови црвен и зелен босилек.
Со ова предјадење ви предлагаме да се напиете квалитетно суво бело вино. Се служи на температура од 10-12 степени.
Добар апетит.
