- Во сад за матење ги ставаме путерот и шеќерот во прав. Јајцето го кршиме, го додаваме во садот и матиме со миксер додека путерот не стане пенест. На работна маса со сукалка ги дробиме бисквитите и ги додаваме во садот со путерот. Мешаме со лажица додека смесата не се соедини.
- Белата чоколада ја кршиме на парчиња и ја ставаме во сад на пареа. Го додаваме маслото и откако чоколадата ќе се растопи го тргаме садот од оган.
- Од подготвената смеса формираме топчиња со големина на орев и малку ги сплеснуваме. Од едната страна ги потопуваме во растопената бела чоколада и ги ставаме во хартиени корпички.
- Чоколадата за готвење ја кршиме на парчиња и ја ставаме во сад на пареа. Откако ќе се растопи го тргаме садот од оган.
- Подизладената чоколада ја ставаме во фишек од хартија и со концентрични кругови ги украсуваме колачите.
- Откако чоколадата ќе се стегне ги редиме Маргаритките на чинија за сервирање и ги декорираме со зашеќерени цреши.
Со овој десерт ви предлагаме да се напиете квалитетно суво бело вино. Се служи на температура од 10-12 степени.
Добар апетит.
