- На парчиња кршиме 150 г чоколада и ја ставаме во тенџере на оган. Откако чоколадата ќе се растопи со лажица ставаме во фишек од хартија. На лист хартија со фишекот формираме чоколадни украси и оставаме да се стегнат.
- Во тенџерето со преостанатата растопена чоколада го додаваме маслото, промешуваме и го тргаме тенџерето од оган. Во длабок сад ги ставаме мелените ореви, шеќерот и мармаладот.
- Јајцето го кршиме, белката ја додаваме во длабокиот сад, а жолчката ја оставаме во сад на страна. На крупната страна од рендето во садот ги рендаме преостанатите 50 г чоколада.
- Мешаме со лажица додека смесата не се соедини. Со раце ги формираме мињоните и во секој ставаме по еден цел лешник. Ги свалкуваме мињоните во растопената чоколада и ги редиме на алуминиумска фолија.
- Врз секој мињон ставаме по еден претходно подготвен чоколаден украс. Откако мињоните ќе се изладат и ќе се стегнат ги редиме на чинија за сервирање.
Со овој десерт ви предлагаме да се напиете квалитетно суво бело вино. Се служи на температура од 10-12 степени.
Добар апетит.
