- Во сад за матење го ставаме путерот. Го додаваме шеќерот и матиме со миксер додека не се соединат. Јајцата ги кршиме и ги делиме белките од жолчките. Ги додаваме жолчките во садот со путерот и повторно матиме со миксерот додека состојките не се соединат. Потоа ги додаваме мелените ореви и брашното, и мешаме со лажица додека филот не се соедини.
- Во правоаголна тава бр 32 ставаме една кора и ја свиткуваме во големина на тавата. Ја попрскуваме кората со масло. Врз првата ставаме уште една свиткана кора, па и неа ја попрскуваме со масло. Истата постапка ја повторуваме со половина од корите. Најгорната кора ја премачкуваме со филот. Прекриваме со преостанатите кори, секоја попрскана со масло.
- Ја сечеме баклавата на триаголни парчиња. Го нанесуваме преостанатото масло и ја ставаме тавата во рерна. Печеме 30-тина минути на 200 степени, или додека баклавата не порумени. Ја вадиме тавата од рерна и оставаме баклавата да се излади.
- Почнуваме со подготовка на шербетот. Во тенџере на оган ги ставаме водата, шеќерот и ванилиниот шеќер. Лимонот го цедиме во цедалка и го додаваме лимоновиот сок во тенџерето. Откако шербетот ќе зоврие го тргаме тенџерето од оган. Со врелиот шербет ја преливаме изладената баклава и оставаме да го впие и да се излади.
- На чинија за сервирање ставаме три парчиња Охридска баклава и декорираме со полукругови лимон.
Со овој десерт ви предлагаме да се напиете квалитетно суво бело вино. Се служи на температура од 10-12 степени.
Добар апетит.
