Oktopod-so-kompiri-(9)

Октопод со Компири

Како и секое морско јадење – лесно и брзо за подготовка. Одлично изгледа на чинијата, а за вкусот ќе кажете Вие. Ама, октопод подготвен на маслиново масло со лук, магдонос и вино, и декориран со лимон едноставно има се што му е потребно на секој здрав медитерански специјалитет.

Потребно е:

– 1 октопод од околу 2 кг
– 1 кг лупени компири
– 1 главица кромид
– 200 мл бело вино
– магдонос
– 2 чешниња лук
– 100 мл маслиново масло
– Хималајска сол и црн пипер

Подготовка:

  1. Во тенџере на оган го ставаме октоподот. Го покриваме тенџерето со капак и оставаме октоподот да се динста без вода, за да ја испушти виолетовата течност. Откако на дното на тенџерето ќе остане само виолетова боја, а целата течност ќе испари тенџерето со издинстаниот октопод го тргаме од оган.
  2. Главицата кромид ја сечкаме на кришки, а чешнињата лук на парчиња и ги ставаме во керамичка тава за печење. Потоа на кришки ги сечкаме компирите и ги додаваме во тавата. Магдоносот покрупно го сечкаме, па и него го додаваме во тавата.
  3. Врз зеленчукот го ставаме издинстаниот октопод и преливаме со белото вино. Посолуваме, наросуваме мелен црн пипер и попрскуваме со маслиновото масло. Ја покриваме тавата со алуминиумска фолија и ја ставаме во рерна.
  4. Печеме 45 минути на 200 степени и ја вадиме тавата од рерна. На чинија за сервирање нанесуваме од испечениот зеленчук од тавата. Врз него го сервираме октоподот. Декорираме со полукругови лимон и гранчиња магдонос, и попрскуваме со маслиново масло.

 

Со ова јадење ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: