- Месото го засекуваме на повеќе места. Го посолуваме од двете страни и го наросуваме со мешаниот зачин К+. Потоа го премачкуваме со 2 лажици мед и го ставаме месото во тава за печење намрсена со масло. Го наросуваме со мелен црн пипер и во тавата додаваме 300 мл вода. Ја покриваме со алуминиумска фолија и ја ставаме во рерна. Печеме 30 минути на 220 степени, и уште 60 минути на 200 степени. Ја вадиме тавата со испеченото месо од рерна.
- Главицата кромид ситно ја сечкаме и ја пржиме на загреано масло во тава на оган. Откако кромидот ќе омекне ги додаваме сувото грозје и лебните трошки. Промешуваме и ја тргаме тавата од оган. Го ставаме филот во готварска кеса.
- Со алатка на јаболката им ги отстрануваме рачките и семките. Горниот дел на јаболката го засекуваме во форма на ѕвезди. Со кесата ги полниме издлабените јаболка со фил и ги редиме во тавата за печење. Путерот го сечкаме на парчиња. По едно парче путер ставаме на секое полнето јаболко и ја враќаме тавата во рерна. Печеме уште 40 минути на 200 степени и ја вадиме од рерна.
- Го сечеме месото на парчиња. Во тенџере на оган ја ставаме преостанатата лажица мед и додаваме половина од белото вино. Пченкарното брашно го размешуваме со преостанатото вино и го додаваме во тенџерето. Откако преливот ќе ја добие потребната густина го тргаме тенџерето од оган.
- Чинијата за сервирање ја украсуваме со листови црвена марула. На едната страна скалесто редиме од парчињата месо и нанесуваме од преливот од тенџерето. До нив сервираме две полнети јаболка. Декорираме со гранчиња француски магдонос, кругови морков и шери доматите засечени на четвртинки.
Со ова јадење ви предлагаме да се напиете квалитетно суво црвено вино. Се служи на температура од 18-20 степени.
Добар апетит.