1. Во тенџере со зовриена вода на оган го вариме оризот и го цедиме во цедалка. Главицата кромид ситно ја сечкаме и ја ставаме во длабок сад. Јајцата ги кршиме и ги додаваме во садот. Посолуваме и наросуваме мелен црн пипер. Ги додаваме пармезанот и исцедениот ориз, и мешаме со лажица додека смесата не се соедини.
2. Ја нанесуваме во тава од рерна обложена со хартија. Во длабока чинија ги мешаме кечапот и песто сосот, и ја премачкуваме кората од ориз. Круговите шунка ги сечкаме на тенки долгнавести парчиња, а маслинките и феферонките на тенки кругови, и ги нанесуваме на кората. Потоа ги нанесуваме шампињоните. На крупната страна од рендето врз кората го рендаме кашкавалот.
3. Ја ставаме тавата во рерна. Печеме 20 минути на 180 степени и ја вадиме од рерна.
4. Ја сечеме пицата на четвртинки. На чинија за сервирање ставаме едно парче Пица на кинески начин и декорираме со кечап.

Со ова предјадење ви предлагаме да се напиете квалитетно суво бело вино. Се служи на температура од 10-12 степени.

Добар апетит.