Pica-sendvic-(8)

Пица Сендвич од Рерна

Од тесто кое сами брзо и лесно ќе си го подготвите неспоредливо се подобри од топлите сендвичи со тост леб, кои сите многу добро ги знаеме. А, и дека кечапот, ориганото, Гаудата и чадениот свински врат запечени во рерна си го прават своето, секако е неспорно.

Потребно е:

– 600 г брашно
– 300 мл млако млеко
– 100 г маргарин
– 2 јајца
– 1 свеж квасец
– 1 лажица шеќер
– 200 г Гауда сирење
– 200 г ленти чаден свински врат
– 100 мл кечап
– 1 кафена лажица оригано
– масло за јадење
– Хималајска сол

Подготовка:

  1. Квасецот го рониме со рака и го додаваме во садот со млакото млеко. Ги додаваме шеќерот и 1 лажица масло. Кршиме 1 јајце, го додаваме во садот и мешаме со лажица. Во садот со брашното го додаваме маргаринот, исечкан на парчиња и посолуваме. Ги мешаме маргаринот и брашното со раце. Потоа го додаваме млекото со квасецот и јајцето, и мешаме со лажицата додека состојките не се соединат во тесто.
  2. Продолжуваме да го месиме тестото на набрашнета работна маса додека не стане мазно. Од тестото формираме топка и ја враќаме во садот. Оставаме тестото да стаса 30-тина минути на топло место.
  3. Гауда сирењето го сечкаме на тенки парчиња. Преостанатото јајце го кршиме во длабока чинија, посолуваме и матиме со виљушка.
  4. На набрашнета работна маса го размесуваме стасаното тесто. Со сукалка развлекуваме кора и ја сечеме на половина. Со лажица ги премачкуваме корите со кечап и ги наросуваме со оригано. На едниот крај на корите редиме парчиња Гауда. Врз нив скалесто редиме ленти чаден свински врат.
  5. Со готварска четка ги премачкуваме краевите на корите со изматено јајце и виткаме ролати. Ги сечеме ролатите на парчиња и ги редиме во тава за печење, обложена со хартија. Со четката пица сендвичите ги прамачкуваме со преостанатото изматено јајце. Ја ставаме тавата во рерна. Печеме 30 минути на 200 степени и ја вадиме од рерна.
  6. На чинија за сервирање редиме неколку Пица сендвичи од рерна и нанесуваме кисела павлака. Декорираме со цели маслинки и гранче магдонос.

 

Со ова предјадење ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published. Required fields are marked *

Слични рецепти: