Veleski-pindzur-(2)

Велешки Пинџур

Одлична македонска салата!

Потребно е:

•1 кг печени, лупени зелени пиперки
•700 г домати
•80 г ореви
•250 г печен, лупен модар патлиџан
•150 г лути печени, лупени зелени пиперки
•3 чешниња лук
•масло за јадење
•сол

Подготовка:

  1. Доматите ги лупиме и ги сечкаме на коцки. Ги пржиме на загреано масло во тава на оган и ги ставаме на чинија.
  2. Лутите и нелутите пиперки ги сечкаме на парчиња и ги пржиме на загреано масло во тавата на оган. И испржените пиперки ги ставаме на чинијата.
  3. Во дрвен сад за толчење ги ставаме чешнињата лук и посолуваме. Ги додаваме оревите и 2 лажици масло, и толчиме со толчникот. Потоа ги додаваме испржените пиперки и домати, и посолуваме.
  4. Модриот патлиџан го сечкаме на парчиња, го додаваме во садот и толчиме со толчникот. Истолчените состојки ги враќаме во тавата на оган и го пржиме пинџурот додека не испари течноста.
  5. На средината на чинија за сервирање ставаме една кришка леб и врз неа сервираме од Велешкиот пинџур. Декорираме со парчиња ореви и две црни маслинки без семки, и попрскуваме со маслиново масло.

 

Со ова предјадење ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: