- Пилешките гради ги засекуваме на половина по должина. Добиените шницли ги толчиме со дрвен чук, ги посолуваме и ги наросуваме со мелен бел бибер. Ги оставаме на чинија да ги впијат зачините.
- Шампињоните ги сечкаме на листови и ги пржиме на растопениот маргарин во тава на оган. Посолуваме и наросуваме мелен црн пипер. Мајчината душичка и половина од магдоносот ситно ги сечкаме, и ги додаваме во тавата.
- Откако течноста ќе испари ја тргаме тавата со филот од оган. На првата зачинета шницла нанесуваме фил, ги свиткуваме краевите кон внатрешноста и виткаме ролат.
- На истиот начин ги подготвуваме и преостанатите 3 ролати и ги редиме на чинија. Во длабок сад ги кршиме јајцата и ги матиме со жица.
- Ролатите ги набрашнуваме, ги свалкуваме во изматени јајца и ги облепуваме со лебни трошки. Потоа ги пржиме на загреано масло во тава на оган. Откако ќе поруменат од сите страни ги вадиме ролатите од тавата и ги ставаме на чинија, обложена со хартија.
- Во тенџере на оган ги ставаме млекото и густинот, и мешаме со жица. Преостанатиот магдонос ситно го сечкаме и го додаваме во тенџерето. Посолуваме и зачинуваме со преостанатиот мелен бел бибер.
- Откако сосот ќе ја добие потребната густина го тргаме тенџерето од оган. На чинија за сервирање редиме три ролати, четвртиот го сечеме на половина и го додаваме на чинијата. Преливаме со сосот од тенџерето и на чинијата сервираме претходно сварен ориз. Декорираме со кругови црвена пиперка, праз и морков
Со ова јадење ви предлагаме да се напиете квалитетно суво бело вино. Се служи на температура од 10-12 степени.
Добар апетит.
