- Лебот го кинеме на парчиња и го ставаме во длабок сад. Го преливаме со 150 мл вода и го месиме со рака. Шунката ја сечкаме на коцки и ја додаваме во садот со омекнатиот леб.
- И киселите краставички ги сечкаме на коцки. Ги притискаме со раце за да ја истиснеме течноста и ги додаваме во садот. На крупната страна од рендето во садот ги рендаме кашкавалот и сирењето.
- На ситната страна од рендето во садот го рендаме морковот. Јајцето го кршиме, белката ја оставаме во сад на страна, а жолчката ја додаваме во длабокиот сад. Наросуваме мелен црн пипер и го додаваме мешаниот зачин К+.
- Магдоносот ситно го сечкаме, го додаваме во садот и мешаме со лажица додека состојките не се соединат. Од смесата со раце обликуваме цилиндрични форми и ги редиме на чинија. Во садот со белката додаваме малку вода, посолуваме и матиме со виљушка.
- Пирошките прво ги свалкуваме во изматена белка, а потоа во лебни трошки. Ги пржиме на поголема количина загреано масло во тава на оган. Откако ќе поруменат од сите страни ги вадиме пирошките од тавата и ги ставаме на чинија, обложена со салфетки.
- Во садот со киселата павлака го додаваме мајонезот и наросуваме мелен црн пипер. Перцата од млад кромид ситно ги сечкаме и ги додаваме во садот. Половина лимон цедиме во цедалка, го додаваме лимоновиот сок во садот и мешаме со жица додека преливот не се соедини.
- Чинијата за сервирање ја украсуваме со листови марула и скалесто ги редиме пирошките. Со лажица нанесуваме од преливот и врз него наросуваме ситно сечкани перца од млад кромид. Декорираме со полукругови лимон свиткани во форма на осмици и гранчиња магдонос.
Со ова предјадење ви предлагаме да се напиете квалитетно суво бело вино. Се служи на температура од 10-12 степени.
Добар апетит.
