Pita-so-puter-i-visni-(6)

Пита со Путер и Вишни

Погледнете го само парчево пита на чинијата и сигурни сме дека ќе побрзате во кујна за да ја испробате. Не Ви се потребни голема мајсторија и многу време, а ако креативноста Ви е посилна страна само напред со декорацијата. За возврат секогаш ќе имате различен десерт.

Потребно е:

6 јајца
210 г шеќер
160 г остро брашно
230 г путер
300 мл млеко
300 г вишни од компот без семки
100 г мелени ореви
25 г нишесте
1 лимон
2 кесички ванилин шеќер

Подготовка:

  1. Во сад за матење ги ставаме брашното, 80 г путер и 60 г шеќер. Кршиме 2 јајца и ги додаваме во садот. На крупната страна од рендето во садот рендаме кора од лимон. Ги месиме состојките со рака додека не се соединат во тесто.
  2. Тркалезната тава бр 26 ја намрсуваме со масло и ја набрашнуваме. Го нанесуваме тестото и ја ставаме тавата во рерна. Печеме 20 минути на 200 степени. Преостанатите 4 јајца ги кршиме, белките ги оставаме во сад на страна, а жолчките ги ставаме во тенџере.
  3. Додаваме 100 г шеќер, ванилиниот шеќер, нишестето, млекото и преостанатите 150 г путер. Го ставаме тенџерето на оган и мешаме со жица. Откако кремот ќе ја добие потребната густина го тргаме тенџерето од оган.
  4. Тавата со испеченото тесто ја вадиме од рерна. Ги нанесуваме вишните, и ги наросуваме преостанатите 50 г шеќер и мелените ореви. Врз оревите го нанесуваме кремот и ја враќаме тавата во рерна. Печеме уште 15 минути на истата температура и ја вадиме од рерна.
  5. Ја сечеме подизладената пита на осминки. На чинија за сервирање ставаме едно парче Пита со путер и вишни. Декорираме со кругови киви и со вишни од компот без семки.

Со овој десерт ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: