Plazma-torta-so-krem-banani-(3)

Плазма Торта со Крем Банани

Со кокосово брашно, со ореви, со сок од портокал, со шлаг. Ненадејно Ви се најавија гости и тоа важни? Не грижете се, тортата е готова за 30-тина минути, Вие гледајте убаво да се стокмите – колку да Ви завидуваат, и Вие и трпезата цакум – пакум. Значи дека сте ем дама, ем вешта домаќинка.

Потребно е:

– 600 г мелени Плазма бисквити
– 250 г шеќер во прав
– 150 г путер
– 200 мл газиран сок од портокал
– 150 г мелени ореви
– 100 г кокосово брашно
– 9 крем банани
– 1 кесичка прашок за шлаг
– 100 мл млеко

Подготовка:

  1. Во длабок сад ги ставаме мелените бисквити, путерот, кокосовото брашно, мелените ореви и шеќерот во прав, и мешаме со лажица. Потоа го додаваме сокот и со рака ја месиме смесата додека не се соедини.
  2. Половина од смесата ставаме на послужавник и со рака расплескуваме правоаголна форма. Врз смесата ги редиме крем бананите, со рамната страна нагоре. Ги притискаме со раце за малку да пропаднат во смесата.
  3. Врз крем бананите ја нанесуваме преостанатата смеса. Во сад за матење ги ставаме прашокот за шлаг и млекото, и матиме со миксер додека шлагот не ја добие потребната цврстина.
  4. Го ставаме во слаткарска кеса и ја украсуваме Плазма тортата со крем банани. Декорираме со чоколадни трошки, бели шеќерни цветови со зелени толчници и зелени шеќерни листови.

Со овој десерт ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: