- Во чашата со млекото го додаваме квасецот и мешаме со лажица додека не се растопи. Во длабок сад со виљушка го гмечиме путерот. Додаваме половина од брашното и мешаме со рака.
- Го додаваме и преостанатото брашно и посолуваме. Кршиме 2 јајца, белките ги оставаме во сад на страна, а жолчките ги додаваме во длабокиот сад. Потоа го додаваме млекото со растопениот квасец и со рака замесуваме тесто.
- Оставаме да отстои 15-тина минути. Главицата кромид ситно ја сечкаме и ја пржиме на загреано масло во тава на оган. Шунката ја сечкаме на коцки и ја додаваме во тавата со омекнатиот кромид.
- Откако и шунката ќе се запржи ја тргаме тавата со филот од оган. На набрашнета работна маса го ставаме тестото, го наросуваме со брашно и со сукалка развлекуваме кора. Со калап од кората вадиме тркалезни форми.
- Од половината од формите со помал калап вадиме помали тркалезни форми, формирајќи прстени. Со готварска четка тркалезните форми ги премачкуваме со вода и ги нанесуваме прстените. Ги притискаме краевите на тркалезните форми и прстените со виљушка за да се залепат и ги редиме погачиците во тава за печење, обложена со хартија.
- Во длабнатините со лажица ставаме од подготвениот фил. Преостанатото јајце го кршиме и ја делиме белката од жолчката. Ја матиме жолчката со готварска четка и ги премачкуваме погачиците. Тавата ја ставаме во рерна.
- Печеме 30 минути на 200 степени и ја вадиме од рерна. Чинијата за сервирање ја украсуваме со листови марула и црвена зелка. Потоа на чинијата скалесто ги сервираме погачиците.
Со ова предјадење ви предлагаме да се напиете квалитетно суво бело вино. Се служи на температура од 10-12 степени.
Добар апетит.
