1. Мисиркините шницли ги посолуваме, и ги наросуваме со мелен црн пипер и кари. На секоја шницла ставаме по два круга шунка, виткаме ролати и ги зацврстуваме со готварски конец.
2. Ги ставаме ролатите во тава на оган со растопениот путер. Откако ќе се запржат од сите страни го додаваме млекото. Во тавата со наполу издинстаните ролати ги додаваме шампињоните.
3. Неутралната павлака ја додаваме во садот со густинот и мешаме со лажица. Потоа и размешаниот густин го додаваме во тавата. Ги превртуваме ролатите за да го впијат вкусот на шампињоните. Откако сосот ќе ја добие потребната густина ја тргаме тавата од оган.
4. Ги вадиме ролатите од тавата, им го отстрануваме конецот и два ролата сечеме на половина. На едниот крај на чинија за сервирање нанесуваме претходно издинстаниот мешан зеленчук.
5. Го сервираме Ролуваното мисиркино месо и го преливаме со сосот од тавата. Декорираме со листови магдонос.

Со ова јадење ви предлагаме да се напиете квалитетно суво црвено вино. Се служи на температура од 18-20 степени.

Добар апетит