Polneti-jajca-(10)

Полнети Јајца

Интересно изгледаат, а и првкусни се! Ветуваме!

Потребно е:

– 12 варени, лупени јајца
– 400 мл кисела павлака
– 360 г сардини од конзерва
– 250 г мелено телешко месо
– 8 кришки леб
– 350 мл млеко
– 100 г путер
– магдонос
– 1,5 лажица брашно
– 2 лажици мешан зачин К+
– ½ кафена лажица мелен бел бибер
– масло за јадење
– Хималајска сол и црн пипер

Подготовка:

  1. На загреано масло во тава на оган го пржиме меленото месо. Посолуваме, и наросуваме мелен црн пипер и мешан зачин К+. Ситно сечкаме половина од магдоносот. Го додаваме во тавата со испрженото месо и ја тргаме од оган.
  2. Во друга тава на оган ставаме 50 г путер да се растопи. Го додаваме брашното и мешаме со жица додека не се испржи. Потоа во тавата додаваме 150 мл млеко и мешан зачин. Откако бешамел сосот ќе ја добие потребната густина ја тргаме тавата од оган.
  3. На варените јајца им ги отсекуваме заоблените делови, за да добиеме рамни површини и ги сечеме на половина. Жолчките ги вадиме од белките, ги ставаме во цедалка врз длабок сад и ги гмечиме со лажица. Една третина од пасираните жолчки додаваме во тавата со меленото месо и го промешуваме филот со лажица. Го ставаме во готварска кеса.
  4. Со фил полниме 8 половинки варени белки и ги редиме во керамичка тава. Врз филот нанесуваме од бешамел сосот и ја ставаме тавата во рерна. Печеме 10 минути на 190 степени и ја вадиме од рерна.
  5. На парчиња кинеме 4 кришки леб, ги ставаме во длабока чинија и ги преливаме со 100 мл млеко. Откако лебот ќе омекне со раце го истиснуваме млекото и го ставаме исцедениот леб во длабок сад. Додаваме 200 мл кисела павлака и преостанатите 50 г путер. Преостанатиот магдонос ситно го сечкаме и го додаваме во садот. Посолуваме, и наросуваме мелен црн пипер и мешан зачин. На крајот додаваме една третина од пасираните жолчки и мешаме со жица додека филот со павлака не се соедини. Го ставаме во готварска кеса и со филот полниме 8 половинки варени белки И преостанатите 4 кришки леб ги кинеме на парчиња, ги ставаме во длабока чинија и ги преливаме со преостанатото млеко.
  6. Откако лебот ќе омекне со раце го истиснуваме млекото и го ставаме исцедениот леб во сад за матење. Ги додаваме сардините, преостанатата кисела павлака и мелениот бел бибер. Посолуваме, и наросуваме мелен црн пипер и мешан зачин. Ги додаваме преостанатите пасирани жолчки. Го матиме филот со миксер додека не се соедини и го ставаме во готварска кеса. Со фил ги полниме преостанатите 8 половинки белки.
  7. Чинијата за сервирање ја украсуваме со листови црвена зелка. Испечените половинки полнети јајца ги сервираме на средината на чинијата и ги украсуваме со гранчиња француски магдонос. Околу нив во круг наизменично редиме од полнетите јајца со сардини и со кисела павлака. Помеѓу нив декорираме со кругови краставица.

 

Со ова предјадење ви предлагаме да се напиете квалитетно суво бело вино. Се служи на температура од 10-12 степени.

Добар апетит.

Погледнете го видеото!

Leave a Reply

Your email address will not be published.

Слични рецепти: