- Главицата кромид ситно ја сечкаме и ја пржиме на загреано масло во тава на оган. Лентите сланина ги сечкаме на коцки и ги додаваме во тавата со омекнатиот кромид.
- Откако сланината ќе се запржи го додаваме меленото месо и го ситниме со лажица. Модрите сливи ситно ги сечкаме и заедно со зрната пченка ги додаваме во тавата со испрженото месо.
- Посолуваме и наросуваме мелен црн пипер. Зачинуваме со ориганото и половина од мешаниот зачин К+. Промешуваме и ја тргаме тавата со филот од оган. Го ставаме филот во готварска кеса.
- Во друга тава на оган го топиме маргаринот. На растопениот маргарин го пржиме брашното и мешаме со жица. Во тавата со испрженото брашно ги додаваме млекото и преостанатиот мешан зачин.
- Откако Бешамел сосот ќе ја добие потребната густина ја тргаме тавата од оган. Со готварската кеса со подготвениот фил ги полниме канелоните и ги редиме во огноотпорен сад, намрсен со масло. Во садот со доматното пире додаваме 200 мл вода и мешаме со жица. Со размешаното доматно пире ги преливаме канелоните.
- Го покриваме садот со алуминиумска фолија и го ставаме во рерна. Печеме 30 минути на 180 степени и го вадиме од рерна. Ги преливаме канелоните со Бешамел сосот. На крупната страна од рендето во садот го рендаме кашкавалот и го враќаме во рерна.
- Печеме уште 15 минути на 200 степени и го вадиме садот од рерна. На чинија за сервирање ставаме од Полнетите канелони со пченка и модри сливи. Декорираме со гранчиња француски магдонос и цветови од морков.
Со ова предјадење ви предлагаме да се напиете квалитетно суво црвено вино. Се служи на температура од 18-20 степени.
Добар апетит
